ភ្នំពេញ៖យោងតាមទិន្ន័យរបស់ក្រសួងពាណិជ្ជកម្ម ទំហំពាណិជ្ជកម្មរវាងកម្ពុជា និងបណ្តាប្រទេសអាស៊ានមានប្រមាណ ៨,៦២៤ពាន់លានដុល្លារ នៅឆមាសទី១ឆ្នាំ ២០២២នេះ ក្នុងនោះការនាំចេញរបស់កម្ពុជាគិតជាទំហំទឹកប្រាក់ ១,៨២៦ពាន់លានដុល្លារ ខណៈការនាំចូលវិញមានតម្លៃ ៦,៧៩៨ពាន់លានដុល្លារ។
ទិន្ន័យរបស់ក្រសួងពាណិជ្ជកម្ម បានឱ្យដឹងទៀតថា៖ទំហំពាណិជ្ជកម្មកម្ពុជា ជាមួយវៀតណាមមានចំនួន ៣,២៦ពាន់លានដុល្លារក្នុងនោការនាំចេញពីកម្ពុជាមានតម្លៃ ១,១៧ពាន់លានដុល្លារ ខណៈការនាំចូលវិញមានតម្លៃ ២,០៨ពាន់លានដុល្លារ។ជាមួយថៃ ២,២៩ពាន់លានដុល្លារ៖ ការនាំចេញពីកម្ពុជាមានតម្លៃ៤៩៥,៧៨លានដុល្លារ ការនាំចូលវិញមានតម្លៃ ១,៨ពាន់លានដុល្លារ។ជាមួយ សិង្ហបុរីមាន២,០៧ពាន់លាដុល្លារ៖ការនាំចេញពីកម្ពុជាមានតម្លៃ៦២,៣៦លានដុល្លារ ការ នាំចូលវិញមានតម្លៃ២,០១ពាន់លានដុល្លារ។ជាមួយឥណ្ឌូនេស៊ីចំនួន៤៦៥,២១លានដុល្លារ៖ការនាំចេញពីកម្ពុជាមាន តម្លៃ ១៣,០៣លានដុល្លារ ខណៈការនាំចូលវិញមានតម្លៃ ៤៥២,១៩លានដុល្លារ។
ចំណែកទំហំពាណិជ្ជកម្មជាមួយមីយ៉ាន់ម៉ាមានចំនួន៣២៥,៦០លានដុល្លារ៖ការនាំចេញពីកម្ពុជាមានតម្លៃ ៥១,៦៥លានដុល្លារការនាំចូលវិមានតម្លៃ ២៧៣,៩៦លានដុល្លារ។ជាមួយម៉ាឡេស៊ី១៣,៧៩លានដុល្លារ៖ការនាំចេញពីកម្ពុជា០,៦២លានដុល្លារការនាំចូលវិញមានតម្លៃ១៣,១៧លានដុល្លារ។រីឯជាមួយ ព្រុយណេ មានទំហំពាណិជ្ជកម្ម១១,៣២លានដុល្លារដែលក្នុងនោះការនាំចេញពីកម្ពុជាមានតម្លៃ ៥,៨២លានដុល្លារខណៈកានាំចូលវិញមានតម្លៃ ៥,៥០លានដុល្លារ៕ដោយៈសិរីមតី